¿Paga a pena ter web se xa teño Instagram?
A resposta honesta. Sen venderche nada que non necesites.
ÍndiceO que vas ler+
Instagram é útil. Pero hai cousas que non pode facer polo teu negocio, e unha web propia si.
Aquí vai a comparación, sen rodeos: que fai cada un e como se axudan.
- 1Instagram non te pon en Google, non é teu e o alcance decídeo o seu algoritmo.
- 2Serve para o día a día e para mandar xente á túa web.
- 3O que funciona é web, ficha de Google e Instagram xuntos.
O que Instagram non fai polo teu negocio
Non te pon en Google. Cando alguén busca «floraría en Cangas» ou «barbaría en Moaña», Google amosa sobre todo webs e fichas de Google, non perfís de Instagram. Se só tes Instagram, esas buscas non chegan a ti.
Non decides quen te ve. O algoritmo de Instagram decide canta xente ve cada publicación. Podes ter 2.000 seguidores e que a túa próxima publicación a vexan 60. Na túa web, quen entra veo todo.
Non é teu. Se Instagram che pecha a conta, por erro ou por unha denuncia, pérdelo todo. A túa web é túa: o dominio e o que hai dentro.
Non axuda a comprar. Para pedir algo por Instagram, o cliente escríbete, ti contestas, confirmas, dás o prezo, pechas o pagamento… Todo a man. Unha web con formulario, reservas en liña ou tenda faino soa.
O que Instagram si fai ben
Instagram vai ben para:
- Ensinar o día a día do negocio e estar preto da xente da túa zona.
- Chegar a xente nova con fotos e vídeos.
- Seguir en contacto cos clientes que xa te coñecen.
- Mandar xente á túa web coa ligazón do perfil.
O problema non é Instagram. O problema é usalo en lugar de unha web, cando debería ser ademais de unha web.
Web, ficha de Google e Instagram: os tres xuntos
Para un negocio local de Galicia, o que funciona é sinxelo:
- 01A túa web: saes en Google e recibes pedidos ou contactos sen depender de ningún algoritmo.
- 02A túa ficha de Google: saes no mapa cando buscan o que ti fas na túa zona. Contámolo en como saír en Google se tes un negocio en Galicia.
- 03O teu Instagram: segues preto da túa xente e mandas visitas á túa web.
Os tres xuntos axúdanse. Cada un polo seu lado queda curto.
¿E se non teño tempo para web e Instagram?
Unha web ben feita non pide que esteas enriba dela todos os días. En Instagram, se deixas de publicar, vete menos xente. A web segue traballando día e noite aínda que non a toques.
E o que fas hoxe para Google segue traendo visitas meses despois. Unha publicación de Instagram de hai seis meses xa non trae a ninguén.
Nos nosos plans, os cambios da web van dentro da cota: pídesnolos por WhatsApp e facémolos nós. Non tes que aprender nada.
O que custa ter a túa propia web
Unha cota ao mes, con todo dentro: deseño á medida, aloxamento, dominio e cadeado de seguranza, SEO local e asistencia por WhatsApp.
Se queres comparar con outras opcións, explicámolo en canto custa unha páxina web para un negocio en Galicia.
